Ndër anijet që janë ndaluar është edhe “Alma”, në të cilën ndodhej aktivistja suedeze Greta Thunberg.

Gjatë natës është publikuar edhe një video e sulmit ndaj anijeve që u morën me forcë, dhe në të dëgjohet se marina izraelite ka dërguar një mesazh duke thënë se “flota po shkel të drejtën ndërkombëtare”.

Përveç kësaj, ushtria izraelite ka përdorur pompa uji kundër këtyre anijeve në përpjekje për t’i ndalur dhe për të marrë kontrollin mbi to.

Israel has illegally arrested activists, including Greta Thunberg and eight Malaysians, after intercepting at least eight ships from the Gaza-bound Global Sumud Flotilla.

The GSF accused the Israeli navy of ramming vessels and using water cannons, but all passengers remained… https://t.co/3SWOAhhrS8 pic.twitter.com/ljZufmDpGI

— BFM News (@NewsBFM) October 2, 2025

Megjithatë, një numër i madh anijesh janë ende në rrugë për në Gazë, duke marrë parasysh se rreth 50 mjete lundruese janë pjesë e kësaj flotës humanitare.

Pavarësisht pretendimeve të Izraelit për një “financim nga Hamasi”, të cilat janë shprehur pa prova konkrete, bëhet fjalë për një grup humanitar që përpiqet të dërgojë ushqime dhe ndihma të tjera për qytetarët në këtë territor palestinez, hyrja e të cilave përmes pikave kufitare është bllokuar prej disa muajsh nga Izraeli.

Vessels in the Global Sumud Flotilla have experienced attacks by “flashbang” stun grenades, ship radio communications jamming, and drones making close overhead passes.

"We are witnessing these psychological operations firsthand, right now, but we will not be intimidated," said… https://t.co/RQ3RDsqMup pic.twitter.com/B7TXT7UTLX

— BFM News (@NewsBFM) September 24, 2025

Gjithashtu, vlen të theksohet se Ministria e Punëve të Jashtme të Izraelit i ka drejtuar anijet e marra me forcë drejt një porti në territorin e tyre, ndërsa aktivistët në bord janë arrestuar.

Që nga marrja me forcë e këtyre anijeve, nuk janë publikuar informacione të reja për gjendjen e aktivistëve apo kur ata do të lirohen. /Telegrafi/