Sipas raportimeve, sulmet po vënë në provë armëpushimin e brishtë që është ndërmjetësuar nga Shtetet e Bashkuara, shkruan Reuters.

WAFA njoftoi se një palestinez u vra nga bombardimet izraelite, ndërsa një tjetër u qëllua për vdekje nga forcat izraelite. Po ashtu, një palestinez tjetër humbi jetën nga plagët e marra në një sulm të mëparshëm.

Ushtria e Izraelit nuk iu përgjigj menjëherë kërkesës për koment nga Reuters.

Armëpushimi, që hyri në fuqi tre javë më parë, ka lënë ende të pazgjidhura disa çështje të rëndësishme, përfshirë çarmatimin e Hamasit dhe afatin për tërheqjen e trupave izraelite nga Gaza. Që prej asaj kohe, ai është thyer disa herë nga shpërthimet e dhunës.

Midis së martës dhe së mërkurës, Izraeli reagoi ndaj vrasjes së një ushtari izraelit me bombardime të cilat, sipas autoriteteve shëndetësore të Gazës, lanë 104 persona të vrarë.

Izraeli ka theksuar se mbetet i përkushtuar ndaj armëpushimit, pavarësisht kundërsulmeve që ka kryer. Nga ana tjetër, Hamasi mohon akuzat për vrasjen e ushtarit izraelit dhe shpreh gatishmëri për të respektuar marrëveshjen.