Ariu i zi nisi sulmin në parkun Safari Hangzhou në provincën lindore kineze të Zhejiang të shtunën, ndërsa po e çonin në skenë, transmeton Telegrafi.

Në pamjet dramatike, kafsha e uritur iu hodh punonjësit të kopshtit zoologjik, duke e rrëzuar përtokë ndërsa vizitorët e shikonin me tmerr.

Stafi nxitoi të ndërhynte, duke përdorur çuditërisht një kosh basketbolli, si dhe një karrige dhe një shkop bambuje për të luftuar bishën.

Sipas raporteve lokale, kafsha ishte futur në një tërbim nga një qese e madhe me karrota dhe mollë që mbante trajneri i saj.

Në skena sureale, një papagall iu bashkua përleshjes, duke u ulur në krahun e një punonjësi ndërsa operacioni i shpëtimit zhvillohej.

U deshën 40 sekonda për ta tërhequr ariun larg – vetëm që ai të niste një sulm të dytë ndaj trajnerit të tij, duke e rrëzuar pothuajse përsëri në dysheme.

Një tjetër ari i zi me zinxhir u tërhoq nga punonjësit e kopshtit zoologjik gjatë kacafytjes.

Trajneri dhe ariu shpëtuan të dy pa lëndime dhe që atëherë janë ‘pajtuar’, tha Parku Safari Hangzhou.