Sipas policisë, Melody, e cila jetonte në Kaliforni, dyshohet se u vra nga nëna e saj, pak kohë pasi u pa për herë të fundit më 9 tetor.

Sherifi i Qarkut Santa Barbara, Bill Brown, e cilësoi këtë ngjarje si “të paramenduar dhe jashtëzakonisht të rëndë”, duke theksuar se raste të tilla janë të rralla dhe të vështira për t’u kuptuar.

Alarmi u ngrit kur stafi i shkollës së Melody raportoi mungesën e saj për një periudhë të gjatë. Hetimet zbuluan se nëna dhe vajza kishin nisur papritur për një udhëtim me makinë më 7 tetor. Pamjet e kamerave të sigurisë në një kompani qiraje makinash treguan se ato mbanin paruke, një detaj që ngriti menjëherë dyshime. Gjatë udhëtimit, ato kaluan në disa shtete, përfshirë Kaliforninë, Nevadën, Arizonën, Utah, Wyoming dhe Nebraskën.

Autoritetet thanë se targa e makinës me qira ishte ndërruar përkohësisht me një targë të Nju Jorkut, dhe se automjeti ishte pozicionuar në mënyra të pazakonta në pikat e karburantit, me qëllim shmangien e kamerave të sigurisë.

Motivi i dyshuar i nënës ende mbetet i paqartë, pasi ajo nuk ka bashkëpunuar me autoritetet. Hetimet për rrethanat e plota të ngjarjes vazhdojnë.