Meteorologia Tanja Porja ka paralajmëruar se muaji Mars në Shqipëri do të ketë temperatura të ulëta gjate nje pjese te gjate te muajit dhe duke nisur nga kjo e marte dhe madje ne disa zona te veriut mund te shkojne deri në -7°C.

Ajo tha se këto janë temperaturat më të ulëta të shënuara në 5 vitet e fundit për këtë muaj. Gjithashtu, reshjet e shiut nga mesi i muajit Mars do të jenë të pakta dhe priten kryesisht nga data 18 deri më 22 mars.

“Ky muaj qe sapo la 9 ditet e para ka pasur shumë pak reshje dhe kjo situatë do të vazhdojë. Megjithatë, presim rreth 3 ditë me reshje mes datave 18-22 mars. Deri atëherë, reshjet do të jenë të papërfillshme dhe jo të shpërndara në të gjithë vendin.

Temperaturat do të mbeten të ulëta edhe në ditët e fundit të ketij muaji, duke e përmbyllur muajin me vlera termike më të ulëta se vitet e fundit,” u shpreh Porja.