Berisha në Bruksel: Zgjedhjet e 11 majit në Shqipëri ishin një farsë e vërtetë! Kërkoj mbështetjen tuaj që kombi im të votojë i lirë

Kryetari i Partisë Demokratike, Sali Berisha, ka marrë pjesë në Forumin e Unionit Internacional Demokratik (IDU) në Bruksel. Gjatë fjalës së tij, kreu demokrat ka folur për zgjedhjet e 11 majit, duke thënë se dëshiron ëtë informojë Bordin Ekzekutiv të IDU-së se ishin një farsë e qartë.“Këto zgjedhje u zhvilluan në një klimë terrori politik të paparë më parë, ku Kryeministri, i cili tani udhëheq një narkoshtet, i pari dhe i vetmi narkoshtet në Europë, për të siguruar mandatin e katërt, vuri në burg, në arrest shtëpie apo nën ndjekje penale, tre drejtues të partive kryesore të opozitës, u hoqi mandatet kryetarëve të bashkive dhe burgosi deputetë të opozitës”, tha Berisha.