“20 vite janë pak në krahasim me numrin e viktimave në këtë gjyq. Është koha që ligji të ndryshojë në mënyrë që të kemi dënime më të përshtatshme”-tha Francesca Satta, avokate e disa prej viktimave. 74-vjeçari Le Scouarnec, është quajtur pedofili më i madh i Francës. Ai është tashmë në burg pasi u dënua në vitin 2020 me 15 vjet burg për përdhunimin dhe sulmin seksual ndaj katër fëmijëve, përfshirë dy mbesat e tij.

Ish-mjeku ka qenë në gjyq në Brittany që nga fundi i shkurtit. Në mars, gjatë një seance të mbajtur me dyer të mbyllura, Le Scouarnec pranoi se kishte abuzuar seksualisht me të 299 viktimat, shumë prej tyre ndërsa ishin nën anestezi ose zgjoheshin pas operacioneve. Ai mbante ditarë në të cilët përshkruante sulmet me detaje grafike, gjë që i lejoi policisë të gjurmonte viktimat e tij, shumë prej të cilëve nuk kishin kujtime për abuzimin që pësuan ndërsa ishin nën kujdesin e Le Scouarnec.