Hamiti, i cili është edhe autor i formatit, ishte i ftuar në emisionin “Ëeekend” në Klan Kosova, ku foli për përgatitjet intensive të produksionit, megjithëse ende nuk zbuloi datën e saktë të nisjes, për të cilën janë përfolur datat 3 apo 7 nëntor.

Sipas moderatorit, janë bërë ndryshime të dukshme në shtëpinë e BBVK.

Hapësira e brendshme dhe oborri janë bërë më të mëdha dhe më funksionale për banorët.

Po ashtu, është riorganizuar renditja e dhomave dhe e ambienteve të përbashkëta, për të ofruar një përvojë më dinamike dhe më interesante për publikun.

Këto ndryshime, të cilat i japin një pamje të re shtëpisë, tregojnë qartë se produksioni po punon për të ofruar një edicion sa më emocionues dhe plot surpriza për publikun.