Sipas informacioneve paraprake nga hetimet, konflikti nuk ka qenë i planifikuar, por ka eskaluar për një arsye banale – një fotografi e bërë me telefonin celular. Debati verbal mes të rinjve shpejt u shndërrua në një përleshje masive, ku u përdorën karrige, tryeza dhe shkopinj druri mbi 60 centimetra të gjatë. Në incident ishin përfshirë edhe disa shtetas rumunë.

Situata u përkeqësua më tej kur dy nga pjesëmarrësit, duke u përpjekur të largoheshin me makinë, goditën një maqedonas 27-vjeçar, i cili pësuar fraktura të rënda në të dyja këmbët. I lënduari u shtrua në spitalin e Perugias, ku mjekët parashikojnë një periudhë shërimi prej të paktën 30 ditësh.

Policia ende është në kërkim të shoferit dhe pasagjerit, ku përfshihet edhe një i mitur.

Pas njoftimit në numrin emergjent 112, në vendngjarje intervenuan një numër i madh karabinierësh dhe policësh italianë.
Të arrestuarit janë në moshë nga 19 deri në 31 vjeç, dhe disa prej tyre, sipas informacioneve, tashmë njiheshin nga organet e rendit.

Gjatë kontrollimeve, tek një nga të arrestuarit u gjet drogë, ndërsa një tjetër përpiqej të fshihte çelësat e makinës në një vazo për të shmangur sekuestrimin e saj. Të gjithë të arrestuarit janë dërguar në burgun “Capanne” dhe do të përgjigjen për veprën penale të dhunës së rëndë.