Një YouTuber ka filmuar një avion me formë të pazakontë teksa fluturonte mbi bazën ushtarake amerikane Area 51, duke rikthyer edhe një herë misteret që rrethojnë këtë zonë famëkeqe.

Anders Otteson, i cili e përshkruan veten si backpacker dhe videograf, po dokumentonte udhëtimin e tij në shkretëtirë më 14 janar kur një mjet ajror i paidentifikuar kaloi mbi kokën e tij.

Ai tregoi se rreth dy orë më parë kishte parë atë që mendonte se ishin bombardues stealth B-2 Spirit duke fluturuar mbi Area 51, por ky avion i fundit dukej krejt ndryshe.

Sipas Otteson, mjeti kishte formën e një trekëndëshi të rregullt (ekuateral), një dizajn që studiuesit e UFO-ve e kanë quajtur prej vitesh “Dorito”, për shkak të ngjashmërisë me formën e çipit të njohur.

Misteri u thellua edhe më shumë kur një skaner që monitoron frekuencat radio të paenkriptuara të Area 51 kapi një transmetim të pazakontë: në vend të termave standardë ushtarakë, u dëgjuan fjalë kodesh të lidhura me birrë, ushqim dhe snack-e.

Otteson theksoi se kjo nuk është hera e parë që ky avion misterioz raportohet të jetë parë duke fluturuar mbi SHBA, duke ngritur sërish pyetje mbi teknologjitë sekrete që mund të testohen në zonën më enigmatike ushtarake të vendit.