Pas tensioneve të shumta dhe debateve të forta që shoqëruan spektaklin e djeshëm “Prime” në “Big Brother VIP Albania”, situata duket se ka degraduar edhe më tej pas përfundimit të transmetimit live.
Një material i ri, i cili ka bërë xhiron e rrjeteve sociale orët e fundit, ka shkaktuar një valë të madhe reagimesh e indinjate nga publiku.
Kanë qenë pikërisht familjarët e Juelës ata që kanë marrë vendimin të publikojnë disa pamje dhe audio tejet të rënda, ku pretendohet se dëgjohet qartë Mateo duke e ofenduar atë në mënyrë të papranueshme.
Sipas familjarëve, në materialet e shpërndara në rrjet, Mateo dëgjohet t’i drejtohet Juelës me fjalët skandaloze: “Po ti je k*rvë moj, nuk të shoh dot me sy”.
Ky ofendim i rëndë ka nxitur familjarët e saj të reagojnë ashpër duke e ekspozuar këtë moment jashtë dyerve të shtëpisë, të revoltuar nga dhuna verbale që po ushtrohet ndaj vajzës së tyre.