Shtatë aeroplanë amerikanë janë shkatërruar në konfliktin me Iranin.
Humbjet e një F-15 dhe një A-10 këtë të premte rrisin në shtatë numrin e aeroplanëve të Forcës Ajrore amerikane të shkatërruar gjatë luftës me Iranin.
Incidentet e mëparshme përfshijnë rrëzimin e tre F-15 në Kuvajt nga zjarr miqësor, humbjen e një tanker-i KC-135 në Irak dhe shkatërrimin e një E-3 Sentry në Arabinë Saudite gjatë një sulmi iranian.
Një F-35 gjithashtu realizoi ulje emergjente pas goditjes nga zjarri iranian.
2 mars
Tre F-15 u rrëzuan nga mbrojtja ajrore e Kuvajtit në një incident “zjarr miqësor” mbi Kuvajt. Të gjashtë anëtarët e ekuipazhit u hodhën me parashutë pa u lënduar dhe Sekretari amerikan i Luftës, Pete Hegseth, tha këtë javë se tre pilotët kishin rikthyer në misione ndaj Iranit.
12 mars
Gjashtë anëtarë të ekuipazhit amerikan humbën jetën kur tanker-i KC-135 i tyre u rrëzua në Irak. Ushtria amerikane tha se aeroplani i furnizimit me karburant nuk u rrëzua nga zjarr armik ose miqësor, por u përfshi në një incident me një aeroplan tjetër gjatë pjesëmarrjes në Operacionin Epic Fury. Aeroplani i dytë u ul pa probleme.
26 mars
Një E-3 Sentry i Forcës Ajrore amerikane, për alarm dhe kontroll ajror, u shkatërrua në pistë gjatë një sulmi iranian mbi Bazin Ajror Prince Sultan në Arabinë Saudite, sipas fotografive të verifikuara nga CNN, ku ky i fundit raportoi se sulmi mbi bazën la të paktën 10 anëtarë të shërbimit amerikan të lënduar. Nuk u raportuan viktima. Një aeroplan tanker i Forcës Ajrore amerikane gjithashtu u dëmtua, thanë burimet.
Për më tepër, një F-35 amerikan realizoi një ulje emergjente në një bazë ajrore amerikane në Lindjen e Mesme muajin e kaluar pasi u godit nga ajo që besohet të ketë qenë zjarr iranian, thanë dy burime të njohura për CNN.
Ndryshe, Shtetet e Bashkuara të Amerikës vazhdon të mbajë epërsinë absolute në fuqinë ajrore globale, me mbi 13 mijë aeroplanë ushtarakë në dispozicion. Ky numër e vendos Uashingtonin shumë përpara rivalëve të tij kryesorë në skenën ndërkombëtare.
Pas SHBA-së renditet Rusia me rreth 4000 aeroplanë, ndërsa Kina zë vendin e tretë me mbi 3000 mjete ajrore ushtarake. /Telegrafi/
LATEST: U.S. Military Aircraf Losses
F-35 – 1 damaged
F-15E Strike Eagle – 4 total
A-10 Thunderbolt II – 1 shot down
E-3G Sentry (AWACS) – 1 destroyed
KC-135 tankers – 8 total (1 destroyed, 1 crashed, 1 damaged mid-air, 5 damaged on base)
MQ-9 Reaper drones – 17 shot… pic.twitter.com/g99WTYBaXN
— Clash Report (@clashreport) April 4, 2026