Policia izraelite ka njoftuar se vendet e shenjta në Jerusalem do të rihapen nga nesër, pas hyrjes në fuqi të armëpushimit mes Izrael dhe Iran.
Këto objekte ndodhen në Qytetin e Vjetër, në pjesën lindore të qytetit, një zonë me rëndësi të madhe historike dhe fetare.
Ndër vendet që do të rihapen janë Muri i Vajtimit për besimtarët hebrenj, Kisha e Varrit të Shenjtë për të krishterët dhe Kompleksi i Xhamive Al-Aksa për myslimanët.
Këto vende ishin mbyllur që në fillim të përshkallëzimit të konfliktit, më 28 shkurt, kur nisën sulmet që rritën tensionet në rajon.
Rihapja pritet të rikthejë gradualisht aktivitetet fetare dhe një ndjenjë më të qetë në qytet, i cili prej kohësh mbetet një nga zonat më të ndjeshme në Lindjen e Mesme.