Ka ndryshuar sërish çmimi i naftës, vetëm 24 orë më pas, duke u rritur me 7 lekë. Nafta ditën e djeshme është shitur me 210 lekë për litër, ndërsa që nga ky moment do të jetë në treg me 217 lekë.
Bordi i Transparencës është mbledhur sërish ditën e sotme dhe ka vendosur çmimet e reja të karburanteve në vend. Sipas vendimit të Bordit, çmimi me pakicë i shitjes së naftës nuk mund të jetë më shumë se 217 lekë për litër. Ndërkohë çmimi me pakicë i shitjes së benzinës nuk mund të jetë më shumë se 176 lekë për litër.
Kjo rritje është në disproporcion me tregun e naftës në botë, e cila në këto momente shitet me 95-98 dollarë për fuçi. Si duket, qeveria shqiptare ndjen vetëm rritjen, madje edhe kur ka ulje, i zgjat vetëm 24 orë.
Çmimet e karburanteve aktualisht në tregun globalBordi i Transparencës në datë 10 Prill 2026, në mbledhjen e radhës vendosi:
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 217 lekë/litri, ndërsa i shitjes me shumicë jo më shumë se 205 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 176 lekë/litri,ndërsa i shitjes me shumicë jo më shumë se 164 lekë/litër.
Çmimet e caktuara nga Bordi do të hynë në fuqi sot datë 10 ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
