Irani ka kërkuar kompensim nga SHBA për shkatërrimin e shkaktuar nga sulmet me Izraelin. përfundimin e konfliktit.
I dërguari i Teheranit në Kombet e Bashkuara tha të martën se pesë vende rajonale duhet të paguajnë kompensim, bazuar në akuzën e tij se territoret e tyre u përdorën për të nisur sulme ndaj Iranit.
Irani ka ngritur gjithashtu idenë e kompensimit për dëmet që do të vijë përmes një protokolli të Ngushticës së Hormuzit , i cili do të përfshinte një taksë mbi anijet që kalojnë nëpër këtë rrugë ujore.
Në disa vlerësime të bëra Irani ka pësuar rreth 270 miliardë dollarë dëme të drejtpërdrejta dhe të tërthorta që nga fillimi i luftës SHBA-Izrael më 28 shkurt, sipas zëdhënëses së qeverisë iraniane Fatemeh Mohajerani.
Disa nga aeroportet ndërkombëtare të vendit, përfshirë ato në Teheran, Tabriz, Urmia dhe Khorramabad, u dëmtuan ndjeshëm pasi sulme të shumta goditën pistat, kullat e kontrollit dhe hangaret e tyre.
Pavarësisht shkallës dhe thellësisë së dëmit, si dhe ndikimit të bllokadës detare amerikane në portet iraniane që filloi të hënën, autoritetet iraniane kanë sinjalizuar se nuk kanë ndërmend të bëjnë lëshime të mëdha në negociatat me Uashingtonin, përfshirë pasurimin bërthamor.
Ebrahim Rezaei, zëdhënësi i Komisionit të Sigurisë Kombëtare dhe Politikës së Jashtme të parlamentit të dominuar nga linja e ashpër, tha në një postim në mediat sociale se armëpushimi dyjavor i shpallur javën e kaluar nuk duhet të zgjatet, duke argumentuar se kjo do t’u jepte SHBA-ve dhe Izraelit një shans për të rimbushur rezervat e tyre të armëve dhe për të përmirësuar pozicionet për sulm.
“Ata ose duhet të njohin të drejtat e Iranit, përfshirë kontrollin tonë mbi Ngushticën e Hormuzit, ose të kthehen në luftë”, shkroi ai.
Irani ka ndarë gati 8 miliardë dollarë për shpenzime ushtarake në vitin 2024, sipas Institutit Ndërkombëtar të Kërkimeve për Paqen në Stokholm (SIPRI), dhe zyrtarët u zotuan ta trefishojnë atë buxhet pas shkëmbimeve të raketave me Izraelin në tetor të atij viti. Por qeveria është përballur gjithashtu me vite të tëra me një krizë buxhetore, të lidhur me keqmenaxhim lokal dhe korrupsion, dhe të shoqëruar me sanksione të SHBA-së.
Bisedimet SHBA-Iran për paqe
Ndërkohë bisedimet mes SHBA dhe Iranit mund të rinisin gjatë dy ditëve në vazhdim tha presidenti amerikan Donald Trump.
Në një intervistë për New York Post Trump deklaroi fillimisht se negociatat po zhvilloheshin, edhe pse në mënyrë të ngadaltë.
Trump iu referua gjeneralit pakistanez, Asim Munir, të cilin edhe më herët e ka cilësuar si të preferuarin e tij. Një deklaratë të ngjashme presidenti amerikan e bëri edhe për media të tjera amerikane, ku theksoi se zëvendësi i tij JD Vance ishte pozitiv për mënyrën se si ishin gjërat aktualisht.
“Mendon se keni përpara dy ditë të mrekullueshme”, tha ai, teksa shtoi se nuk mendonte që do të ishte e nevojshme zgjatja e armëpushimit që mbaron në 21 prill. Sipas tij, lufta ishte pranë fundit.
Zyrtarë nga Pakistan, Iran dhe Gjiri thanë gjithashtu se ekipet negociatore mund të rikthehen në Islamabad këto ditë, edhe pse një zyrtar i lartë në Teheran pohoi se nuk është caktuar ende një datë.
Por pavarësisht toneve pozitive, më shumë anije u penguan të lundronin si pjesë e bllokadës amerikane ndaj porteve të Iranit, përfshirë një cisternë kineze. Kreu i komandës qendrore amerikane deklaroi se ushtria e tyre kishte bllokuar plotësisht tregtinë ekonomike për dhe nga Irani, që sipas tij ushqen 90 për qind të ekonomisë iraniane.