Eskorta e Kryeministrit Edi Rama u qëllua me vezë mëngjesin e së shtunës, 14 nëntor, në zonën e Manzës. Ngjarja ndodhi teksa autokolona po udhëtonte drejt Gjirit të Lalzit, ku po zhvillohet Asambleja Kombëtare e Partisë Socialiste.
Protestuesit hodhen vezë në drejtim të automjetit të kryeministrit, ndërsa kanë lëshuar edhe thirrje kundër tij, mes tyre “Rama burg” dhe “Ju erdhi fundi!”.
Pas ngjarjes, uniformat blu kanë ndërhyrë, duke shoqëruar 12 aktivistë në komisariat.