Përveç shiut java do të sjellë edhe një shtim të shpejtësisë së erës në bregdet e cila do të arrijë deri në dyzet e pesë kilometra në orë duke krijuar dallgëzim në det dhe duke kërkuar kujdes nga mjetet lundruese ndërsa temperaturat maksimale në qytetet kryesore do të pësojnë një rënie graduale duke u stabilizuar rreth vlerave gjashtëmbëdhjetë deri në tetëmbëdhjetë gradë celsius.
Ndryshimi më i madh do të ndihet në zonat malore si Kukësi Peshkopia dhe Korça ku rënia e temperaturave minimale do të jetë më e ndjeshme duke u ulur deri në pesë gradë celsius çka do të krijojë kushtet e duhura që në lartësitë mbi njëmijë metra mbi nivelin e detit të shfaqen edhe reshjet e para të dëborës për këtë sezon duke sjellë pamje të para dimërore.
Ky stabilitet i munguar i motit do të na shoqërojë deri në mesin e javës kur pritet një përmirësim i përkohshëm, por dhjetëditëshi i fundit i nëntorit do të sjellë një tjetër valë të ftohti që do të ulë më tej termometrin ndërsa për ditët e festave kombëtare të 28 dhe 29 nëntorit parashikohet një mot më i qëndrueshëm me kthjellime por me mëngjese dhe mbrëmje mjaft të ftohta që do të karakterizojnë mbylljen e këtij muaji.