Ndonëse më herët ka treguar se është në një lidhje dashurie jashtë shtëpisë, banorja nuk ka hezituar të shprehë pëlqimin e saj për konkurrentin.
“Raporti im me Sharrin është një shoqëri shumë e mirë, bëjmë shumë hajgare. Sharri normal që më pëlqen se është shumë i bukur. Nuk e di a ekziston ndokush që nuk i pëlqen Sharri, por unë me të jemi vetëm shokë”, është shprehur Anjeza.
Por deklarata e saj nuk është ndalur me kaq!
Teksa ka folur për ngacmimet e vazhdueshme ndaj Sharrit, Anjeza ka treguar hapur edhe afeksionin që ndien për të.
“Unë e ngacmoj sepse, nuk e di, kam qejf ta ngacmoj. E dua shumë, kështu, e du. Po ta pranoj, e dua me zemër”, ka deklaruar banorja.
Pavarësisht këtyre fjalëve, Anjeza ka këmbëngulur se marrëdhënia mes tyre është vetëm shoqërore.
Kujtojmë se dyshja ka qenë protagoniste e disa momenteve të afërsisë dhe ngacmimeve brenda shtëpisë, duke tërhequr vëmendjen e publikut.
Deklarata e fundit bëhet edhe më interesante për faktin se Anjeza ka treguar se jashtë spektaklit ka një partner.
Megjithatë, deri më tani nuk dihet nëse partneri i saj ka reaguar ndaj këtyre deklaratave.
A do të mbetet raporti mes Anjezës dhe Sharrit vetëm një shoqëri, apo dinamika mes tyre do të ndryshojë gjatë vazhdimit të lojës?
Mbetet për t’u parë se si do të zhvillohet marrëdhënia e dy banorëve në ditët në vijim.