Megjithatë, këngëtarja ka zgjedhur të mos japë detaje për jetën e saj sentimentale, duke theksuar se privatësia është një vlerë që dëshiron ta ruajë.
E ftuar në emisionin “TAR”, Kanita u pyet se përse preferon të jetë e rezervuar kur bëhet fjalë për marrëdhëniet personale.
Ajo u shpreh se dëshiron që kjo pjesë e jetës së saj të mbetet larg vëmendjes publike, pasi kështu ndihet më e qetë dhe shmang ndërhyrjet e të tjerëve.
“Preferoj mos të flas për jetën private. Është diçka shumë e shenjtë për mua dhe mendoj se kur është private nuk mund të ndërhyjë asnjë njeri tjetër dhe jam më e qetë. Besoj te syri”, deklaroi Kanita.
Deklarata e këngëtares vjen në kohën kur në media po qarkullojnë aludime për një romancë të mundshme me Besar Metën. Megjithatë, Kanita nuk e ka konfirmuar një lidhje të tillë, duke lënë të kuptohet se dëshiron që jeta sentimentale të mbetet jashtë ekspozimit publik.