Izraeli godet Gazën, vriten 24 persona pak para bisedimeve në Egjipt për planin e armëpushimit të Trampit

Izraeli dhe Hamasi po përgatiten për negociata indirekte në Egjipt, mes shpresave për një marrëveshje të mundshme për t’i dhënë fund luftës në Gaza bazuar në planin 20-pikësh të armëpushimit të Donald Trump.

Grupi palestinez Hamas tha të dielën se delegacioni i tij, i kryesuar nga Khalil al-Hayya, kishte mbërritur në Sharm el-Sheikh dhe do të fillonte negociatat të hënën “mbi mekanizmat për një armëpushim, tërheqjen e forcave pushtuese [izraelite] dhe një shkëmbim të burgosurish”.