Prej rreth tre ditësh, shtëpitë, bizneset, makinat dhe tokat bujqësore janë nën ujë, si pasojë e reshjeve intensive të shiut.

Siç shihet, pjesëmarrja është e lartë dhe ata pretendojnë se kjo situatë nuk ka ardhur nga natyra, por nga keqqeverisja për më shumë se dy dekada e gjysmë, nga Parti Socialiste. Ata kërkojnë shpalljen e gjendjes së jashtëzakonshme.

Kjo, do t’i ndihmonte banorët e prekur nga përmbytjet dhe do e detyronte shtetin të paguante qindarkë për qindarkë dëmin.

“Durrësi skenë krimi”, lexohet në një nga pankartat që mbajnë qytetarët, të cilët po marshojnë përmes rrugëve kryesore, me drejtim final qendrën e qytetit, aty ku ndodhet Bashkia dhe institucionet e tjera vendore.

Newsbomb.al ka mundur të evidentojë mes pjesëmarrësve edhe funksionarë të lartë të Partisë Demokratike, konkretisht deputetët Oerd Bylykbashi dhe Arjan Ndoja.

Kjo është hera e disatë që banorët e Durrësit përmbyten dhe siç janë shprehur për mediat që po ndjekin marshimin, nuk kanë marrë ende dëmshpërblim, pavarësisht se është deklaruar se përllogaritjet për dëmet janë bërë./Newsbomb.al