Ngjarja është bërë publike përmes një videoje që po qarkullon gjerësisht në rrjetet sociale.

Në pamjet e shpërndara, mësuesi shihet duke e goditur disa herë nxënësin me shuplakë. Pas kësaj, nxënësi reagon dhe situata përshkallëzohet në përleshje fizike, ku përfshihen edhe shkelma.

Autoritetet kanë ndërhyrë pas publikimit të videos. Kryeprokurori i Prokurorisë Themelore në Prishtinë, Zejnullah Gashi, ka bërë të ditur se ndaj mësuesit është marrë masë ndalimi.

Sipas konfirmimit zyrtar, mësuesi do të qëndrojë i ndaluar për 48 orë, ndërsa organet e drejtësisë po vazhdojnë veprimet procedurale lidhur me rastin.

Rasti ka hapur hetime për dhunë në institucion arsimor dhe pritet të trajtohet nga organet përkatëse sipas procedurave ligjore.