“Erdha me urgjencë në Spital sepse më njoftuan se ndaj Eneas, të riut që denoncoi dhunën e policisë krah meje në Kuvend, po ushtrohej presion në mënyrë që ai të ndryshonte dëshminë. E paimagjinueshme! Nuk do ia dilni me presione! Do jepni llogari para drejtësisë. Nuk do ndalemi”, shkruan Shehaj.
I riu doli përpara medieve këtë drekë duke thënë se pasi e shoqëruan në Komisariatin numër 1 gjatë mbrëmjes së djeshme, e kanë dhunuar në ambientet e policisë.
Sipas tij pas shpërndarjes së protestuesve është shoqëruar së bashku me një shokun e tij në Komisariatin Nr. 1, ku fillimisht është dërguar në paraburgim dhe më pas është thirrur në një zyrë, ku sipas tij, është dhunuar nga Roki Pepa dhe Ervin Hasrama (shefi i Kom.1).