SHBA-ja ka dy zgjedhje, ta shkatërrojë komplet Iranin ose të vendos të bëjë një marrëveshje me të…
Presidenti amerikan, Donald Trump ka deklaruar se Irani dëshiron një marrëveshje pasi nuk ka ushtri. Një shprehje e përsëritur disa herë në javët e fundit edhe pse ende nuk ka një marrëveshje në horizont.
“Irani dëshiron të bëjë një marrëveshje. Sepse në thelb nuk u ka mbetur asnjë ushtri. Dhe ata duan të bëjnë një marrëveshje, por unë nuk jam i kënaqur”, u tha Trump gazetarëve në Shtëpinë e Bardhë.
Më tej, Trump shtoi se kushdo që do të toleronte Iranin të ketë një armë bërthamore, nuk do të bënte një veprim të zgjuar. Ai shtoi më tej se kjo gjë nuk do të ndodhë pasi ushtria amerikane e ka shkatërruar forcën ushtarake të Iranit.
“Do të jetë një gjë e tmerrshme në të ardhmen nëse atyre do t’u lejohet ndonjëherë të kenë një armë bërthamore. Do të kishe probleme të tilla që bota nuk i ka parë kurrë më parë, dhe kjo nuk do të ndodhë. Përveç kësaj, tani për tani, ata nuk kanë marinë… asnjë forcë ajrore. Është zhdukur plotësisht. Ata nuk kanë asgjë. Ata nuk kanë sisteme kundërajrore. Ata nuk kanë radar”, tha Trump duke folur nën zhurmën e një helikopteri në lëndinën e Shtëpisë së Bardhë.
I pyetur nga amerikanët se çfarë ndodh më pas nëse nuk mund të arrihet një marrëveshje me Iranin, Trump tha se problemi qëndron te udhëheqja në Teheran e cila sipas tij, është më e përçarë se kurrë.
“Epo, tani për tani kemi negociata që po zhvillohen. Ato nuk po arrijnë atje. Udhëheqja iraniane janë shumë të palidhur. Janë jashtëzakonisht të palidhur. Nuk janë në gjendje të shkojnë mirë me njëri-tjetrin si udhëheqës. Nuk e dinë se kush është udhëheqësi. Ushtria e tyre është mundur. Nëse do të largoheshim tani, do t’u duheshin 20 vjet për ta rindërtuar atë vend. Por ne nuk jemi të kënaqur në këtë moment”, tha Trump.
Ai shtoi se për këtë SHBA-ja ka dy zgjedhje, ta shkatërrojë komplet Iranin ose të vendos të bëjë një marrëveshje me të.
“A duam t’i shpërthejmë plotësisht dhe t’i shkatërrojmë përgjithmonë, apo duam të përpiqemi të bëjmë një marrëveshje?”, tha Trump.
Në kuadër të kësaj i pyetur nëse dëshiron ta shpërthejë Iranin me tërbim, Trump tha se preferonte negociatat si një rrugë më njerëzore.
“Preferoj të mos e bëj në baza njerëzore, por ky është opsioni”, u përgjigj Trump.
Trump gjithashtu theksoi se nuk është i shqetësuar se SHBA-së po i mbarojnë raketat, në dritën e raporteve se zyrtarët e Shtëpisë së Bardhë kanë filluar të shqetësohen për inventarin.
“Në fakt, kemi më shumë se kurrë më parë, sepse në të gjithë botën kemi inventar dhe mund ta marrim nëse na nevojitet. Në të gjithë botën, kemi sasi të jashtëzakonshme inventari. Jemi të pajisur, të mbyllur dhe të ngarkuar. Tani për tani, kemi më shumë se dyfishin e asaj që kishim kur filloi kjo”, përfundoi Trump!