Eksperti Ardian Muhaj i ftuar këtë të premte në Euronews Albania me Esmeralda Mulaj ka folur lidhur me një studim të fundit lidhur me AND-në ku shpjegohet se populli shqiptar është më i vjetri në Ballkan. Ai ka shpjeguar se ky studim ka 3 versione dhe botimi i ka zgjatur me vite.
“Studimi është botuar, procesi i botimit praktikisht ka zgjatur tre vite, tre versione. Ky është versioni i fundit. Pra përpara versionit të parë, dorëzimit të versionit të parë në 2003 ka qenë një version i ndërmjetëm parabotues ose pre print që quhet, në mënyrë që të merret mendimi kritik jo vetëm i autorëve dhe censuesve e të tjerë, por edhe i komunitetit më të gjerë dhe të bëhet publike.
Njëkohësisht edhe kritikat të shihen, të testohen pra një përballje e hapur le të themi faktesh jo njerëzish. Që nga dorëzimi për botim deri në botim kanë shkuar tre vite dhe ka edhe disa vite më herët deri tek dorëzimi për botim pra ka pesë deri në gjashtë vite që ka nisur si projekt. Versioni i parë ka qenë jo shqiptar në 2003 dhe nuk është mundur të botohet pastaj në mënyrë vullnetare jemi atashuar edhe ne, grupi i studiuesve shqiptarë”, tha ai ndër të tjera.
Ai shtoi se nga AND-ja u zbulua se nuk është ruajtur as trakishtja, as dakishtja dhe as format e tjera të popullsive të tjera.
“ADN-ja jonë tregon atë që është menduar, po vetëm ta zgjas tek ilirët. Pra fakti që ne nuk kemi shumë ose të mjaftueshme elementë të ruajtur nuk i ka prekur vetëm Ilirët. Të gjitha popullsitë e vjetra ballkanike me përjashtim të gegëve që për një arsye të caktuar, por dhe për shkak të kontributit të të shqiptarëve të lashtë në ekspansionin e tyre jashtë kontinentit europian e kanë ruajtur një formë të shkruar të gjuhës, por nuk është ruajtur as trakishtja, as dakishtja as format e tjera të popullsive të tjera.
Pra kjo ky problem nuk ka prekur vetëm ilirët dhe ky problem tani jo që nuk tejkalohet pa dyshim, por hapet një dritare e re për edhe për rinterpretimin dhe shtimin e të dhënave edhe të të një kuptimi më të mirë edhe në këtë aspekt”, tha ai ndër të tjera.