Dy persona kanë mbetur të vrarë në atentatin me armë zjarri të ndodhur në zonën e Balldrenit, në Lezhë, ndërsa tashmë janë identifikuar edhe viktimat.
Sipas burimeve paraprake, viktimë kanë mbetur Kreshnik Mujeci nga zona e Torovicës në Lezhë dhe bashkëshortja e tij, të cilët ndodheshin në një automjet tip “Audi” në momentin e sulmit.
Nga të dhënat e para, dyshohet se çifti ka rënë në pritë, teksa autorët kanë qëlluar me breshëri në drejtim të mjetit.
Pamjet nga vendngjarja tregojnë se automjeti është bërë shoshë nga plumbat.
Forca të shumta policie kanë mbërritur në vendngjarje dhe kanë rrethuar zonën, ndërsa grupi hetimor po punon për zbardhjen e plotë të rrethanave dhe identifikimin e autorëve.
Ende nuk ka informacion zyrtar mbi motivet e këtij atentati të rëndë.