Luiz Ejlli ka pësuar një incident në këmbën e tij ditën e djeshme. Ai ndau në rrjete sociale një foto të këmbës së dëmtuar, duke e shoqëruar me humor ku shkruante: “Stenaldo shpëtoi, unë e hëngra”.
Ndërkohë, Kiara Tito ka njoftuar përmes një InstaStory se çifti është detyruar të marrë një vendim të papritur dhe të anulojë udhëtimin e planifikuar drejt Suedisë, ku do të merrnin pjesë për promovimin e filmit të tyre “Loja e Fundit”.
Megjithatë, ata nuk kanë dhënë më shumë detaje lidhur me gjendjen e Luizit apo se si ai e ka dëmtuar këmbën.
“Me shumë keqardhje ju njoftojmë se nuk mund të jemi fizikisht në Suedi, siç ishte planifikuar për filmin Loja e Fundit. Për shkak të një incidenti të vogël në këmbë që Luizi ka pësuar, na është dashur ta anulojmë këtë udhëtim,” shkruan Kiara në postimin e saj.
