Incidenti komik që i ndodhi Sara Karajt në “Ferma VIP”, ku një nga lopët i gëlltiti unazën nga dora, nuk ka kaluar pa u vënë re nga moderatorja e formatit, Arbana Osmani.
Arbana ka ndarë me ndjekësit në InstaStory një bisedë në WhatsApp.
Në mesazh, Arbana informohet për ngjarjen: “Sarës sapo i hëngri lopa unazën me diamand. Po ruajne bajgën të dalë.”
Për të treguar absurditetin dhe humorin e këtij momenti që ndodh vetëm në një format të tillë, moderatorja e ka shoqëruar bisedën me mbishkrimin ironik: “Lajmet që (nuk) duam 😅“.
Kjo ngjarje, e cila filloi si një moment stresi për Sarën, është kthyer tashmë në burim të qeshurash si brenda ashtu edhe jashtë fermës.
