Ish-banorja e “Big Brother VIP 5”, Juela Nikolli, ka qenë një ditë më parë e ftuar në emisionin “Shqipëria Live”, ku ka komentuar rrugëtimin e saj brenda shtëpisë më të famshme në Shqipëri.
Këngëtarja gjithashtu u pyet në lidhje me raportin me ish-banorët e këtij edicioni dhe ajo u ndal te Stenaldo Mëhilli. Juela tregoi se Stenaldo jo vetëm që nuk e takoi kur ai doli nga shtëpia e BBV, por as kur ajo shkoi në studion e madhe të spektaklit.
Pjesë nga intervista:
Ku qëndron Juela sot në raport me Stenaldon?
Më habiti në studio kur dola nga BBV, sepse sapo u afrova te karriga, ai u largua direkt dhe as më përshëndeti fare. U habita shumë. Gjithsesi njeriu e tregon veten e tij. Më erdhi keq të them të drejtën, fakti që nuk më përshëndeti. Nuk më përshëndeti as kur doli nga shtëpia dhe as në studio që ishim jashtë shtëpisë.
Mbaroi loja.
Po. Ka rezervuar, shpresoj që jo, mllef dhe inat me mua.
Ti e ke?
Absolutisht jo. Me Stenaldon kemi bërë biseda të bukura, na ka bashkuar dashuria për muzikën, për artin. Është një person shumë inteligjent, por më ka bërë përshtypje fakti që e la shtëpinë dhe e paska marrë Juelën me shumë inat dhe mllef.