Ambasada e Shteteve të Bashkuara të Amerikës në Tiranë ka dalë me një njoftim të rëndësishëm për të gjithë shtetasit të cilët udhëtojnë drejt SHBA-së.
Sipas njoftimit, vizat amerikane mund të anulohen në rast se mbajtësi i tyre përfshihet në vepra penale gjatë qëndrimit në territorin amerikan.
Autoritetet theksojnë se arrestimi për vepra si sulmi fizik, dhuna në familje apo krime të tjera mund të ketë pasoja serioze, jo vetëm anulimin e menjëhershëm të vizës, por edhe pamundësinë për të përfituar viza amerikane në të ardhmen.
“Nëse arrestoheni për sulm, dhunë në familje ose krime të tjera ndërsa ndodheni në Shtetet e Bashkuara, viza juaj amerikane mund të anulohet dhe mund të bëheni të papërshtatshëm për viza në të ardhmen. Një vizë është një privilegj, jo një e drejtë, e cila mund të hiqet nëse shkelni ligjin”, thuhet në mesazhin e ambasadës amerikane.