“O Zot, o Zot, çfarë bëra…”, këto kanë qenë fjalën e 57-vjeçarit Nikoll Radaçit pasi mori përpara me fouristradën e tij tre fëmijët të cilët ishin duke luajtur në trotuar, në lagjen nr.15 të qytetit të Durrësit.
Nga pamjet e publikuara, 57-vjeçari shihet duke përplasur tre fëmijë të mitur dhe më pas ka dalë nga automjeti i tij dhe nuk i është afruar askujt, por ka vendosur që të largohet duke vrapuar.
Radaçi të cilit arratisja nuk i zgjati dhe për shumë gjatë pasi u arrestua nga blutë e Durrësit, del nga automjeti dhe vendos duart mbi kokë.
Në atë moment të shumtë kanë qenë qytetarët të cilët janë afruar menjëherë për t’iu dhënë fëmijëve ndihmën e parë, ndërkohë që shoferi dhe përgjegjësi i këtij aksidenti vendosi që të largohej.
Ngjarja e rëndë u regjistrua rreth orës 14:20 në lagjen nr.15 të qytetit të Durrësit ku 57-vjeçari me shpejtësi skëterrë përplasi me mjetin e tij tre të miturit të cilët ishin duke luajtur në lagjen e tyre.
Fatkeqësisht si pasojë e përplasej dy 10-vjeçarët ndërruan jetë në vendin e ngjarjes, ndërkohë që shoku i tyre 8-vjeçar është duke luftuar për jetën në spitalin e Traumës, aty ku dhe u dërgua me urgjencë pasi ndodhet në gjendje të rëndë për jetën.
Burime për mediat bëjnë me dije se shoferi i fuoristradës tip “Benz” ngjyrë të bardhë rezultoi se ishte në gjendje të dehur në momentin kur dhe mori para tre fëmijët.
Ai ka qenë me shpejtësi dhe ka humbur kontrollin, duke kaluar në trotuarin ku dhe tre të miturit po luanin me top.
Menjëherë pas aksidentit, Radaçi, i cili po ashtu është banor i zonës, u arratis nga vendi i ngjarjes, mirëpo ndërhyrja e menjëhershme e efektivëve solli dhe arrestimin e këtij shtetasi.