Pamjet e transmetuara në televizionin turk nga një maternitet në Kahramanmara? kanë shkaktuar shok dhe neveri, pasi dokumentojnë keqtrajtimin brutal të një foshnjeje nga një infermiere. Si pasojë e dhunës, sot në moshën 5-vjeçare, fëmija vuan nga paralizë e përhershme.
Ngjarja daton në maj të vitit 2021, kur Deniz Esin lindi me peshë të ulët dhe u vendos në inkubator për trajtim mjekësor. Disa ditë më vonë, mjekët vunë re ënjtje në këmbën e majtë dhe lëvizshmëri të kufizuar. Ekzaminimet treguan se këmba e foshnjës ishte e thyer.
Spitali nisi një hetim të brendshëm, gjatë të cilit u zbulua e vërteta tronditëse. Infermierja Hazel D?r?k B. u filmua nga kamerat e sigurisë së spitalit duke ushtruar dhunë të rëndë ndaj foshnjës vetëm 5-ditëshe. Gjatë një procedure për marrjen e gjakut, që zgjati 14 minuta, ajo e godiste foshnjën në kokë sepse qante, i shtrëngonte me forcë dhe i tërhiqte këmbën, si dhe e lëvizte dhunshëm mbi inkubator.
Megjithatë, drejtuesit e maternitetit zgjodhën të mos i informonin menjëherë prindërit për keqtrajtimin. Ata e transferuan Deniz-in në një klinikë private për trajtim, duke i thënë familjes vetëm se fëmija kishte paralizë cerebrale, epilepsi dhe paaftësi fizike, pa përmendur shkakun.
Ishin duke treguar “Live” gjendjen nga moti i keq, kryebashkiakët i merr vala e ujit… (VIDEO)
Infermierja u pushua në heshtje nga puna dhe ndaj saj u ngrit padi penale, por prindërit mësuan të vërtetën vetëm tre vjet më vonë, në qershor të vitit 2024. Informimi erdhi rastësisht, përmes një emaili që i ftonte të merrnin pjesë në gjyqin ndaj Hazel D?r?k B., e cila përballet me një dënim deri në 3 vite burg.
Në gjykatë, avokati i familjes përdori tone të ashpra, duke theksuar se nuk bëhej fjalë për një incident të izoluar, por për dhunë sistematike dhe torturë që zgjati 14 minuta.
“Nuk është një sulm i thjeshtë. Bëhet fjalë për egërsi, keqtrajtim dhe torturë për 14 minuta,” deklaroi ai