Kryeministri Edi Rama u shpreh se deri në fund të vitit 2028, Shqipëria do të jetë një vend sovran dhe nuk do të blejë energji nga jashtë shtetit. “Jemi me fat sepse nuk varemi nga hidrokarburet, kemi burimet hidrike dhe jemi 100 % me energji të ripërtëritshme. Jemi te niveli më i lartë i renditjes. Mos harroni se burime ujore do të thotë se ne varemi nga humori i Allahut. Kur nuk kemi shi na duhet t’i drejtohemi importit dhe këtu puna vështirësohet.
