Një aksident i rëndë rrugor ka tronditur Turqinë perëndimore, ku tetë persona humbën jetën dhe 33 të tjerë mbetën të plagosur pasi një autobus pasagjerësh u përplas dhe më pas u përfshi nga flakët.
Ngjarja ndodhi në orën 01:40 të mëngjesit në provincën Denizli. Sipas raportimeve të mediave turke, autobusi i kompanisë së transportit Pamukkale po kryente itinerarin Izmir-Antalia dhe kishte në bord 38 pasagjerë si dhe tre anëtarë të stafit.
Pas përplasjes me barrierat anësore të rrugës, mjeti shpërtheu në flakë, duke shkaktuar një bilanc të rëndë viktimash. Mes personave që humbën jetën ndodhen një foshnjë vetëm 9 muajshe, babai i saj dhe shoferi 50-vjeçar i autobusit.
Yolcu otobüsü kazasında acı bilanço: 8 ölü, 33 yaralı!.
Denizli'nin Sarayköy ilçesinde bariyerlere çarpan yolcu otobüsünün alev alması sonucu meydana gelen trafik kazasında 8 kişi hayatını kaybetti, 33 kişi de yaralandı. pic.twitter.com/b5j9eVlFj7— Reform Haber (@reformhabercom) May 31, 2026
Dhjetëra ekipe emergjence, zjarrfikës dhe ambulanca mbërritën në vendngjarje për të nxjerrë pasagjerët dhe për t’u dhënë ndihmën e parë të plagosurve, të cilët u transportuan në spitalet më të afërta.
Aksidenti ndodhi në ditën e fundit të festës së Kurban Bajramit, periudhë gjatë së cilës rrugët turke përballen me trafik të shtuar për shkak të lëvizjeve masive të qytetarëve drejt familjeve dhe destinacioneve turistike.
Autoritetet turke kanë nisur hetimet për të përcaktuar shkaqet e aksidentit, ndërsa deri më tani nuk janë bërë publike detaje zyrtare mbi rrethanat që çuan në humbjen e kontrollit të autobusit.
Denizli Sarayköy'de İzmir-Antalya seferini yapan yolcu otobüsü bariyerlere çarparak yandı.
Kazada 8 kişi hayatını kaybetti, 33 kişi ise yaralandıpic.twitter.com/6wyMQyNcoH
— Wire (@wire_tr) May 31, 2026